A Canzona Di U Pianu lyrics

Marcandria e Petrusimone
Andavanu inseme in lu pianu
Caminendu strappavanu fiori
E fiscavanu pianu pianu
Marcandria e Petrusimone
Andavanu inseme in lu pianu.

In lu pianu ci so tanti acelli
E cantanu ancu le funtane
Nant'a u pratu pascenu l'agnelli
Portanu tintenne e campane
In lu pianu ci so tanti acelli
E cantanu ancu le funtane.

U falcu cerca in la furesta
A culomba piatta in le fronde
L'acqua di la surgente si spiccia
Di lu fiume cerca le sponde
U falcu cerca in la furesta
A culomba piatta in le fronde.

A ghjumenta galoppa galoppa
Scurtata da tanti cavalli
Senza sproni cun la chjoma sciolta
Vanu in liberta per li valli
A ghjumenta galoppa galoppa
Scurtata da tanti cavalli.
U sole s'he spentu in lu celu
E s'affacca la prima stella
Pianu pianu si more le ghjornu
Mamma rientra la tinella
U sole s'he spentu in lu celu
E s'affacca la prima stella

Submitted by Guest

What do you think is the meaning of A Canzona Di U Pianu by Canta U Populu Corsu?