Amicu Ci Si Tu lyrics

Amicu, ci si tu chi ci porghji la manu
Quandi u ventu gira ind'u celu isulanu
Quandi u sensu spira ind'u cerbellu umanu
Amicu,ci si tu

Amicu, ci si tu chi ci porti penseru
Quandi u morsu stringhje di ferru furesteru
Quandi l'ochju dinnera da lu vechju addisperu
Amicu,ci si tu

Amicu, ci si tu chi copri lu dulore
Quandi a brusta ghjala u focu di l'amore
Quandu a fede cala in core traditore
Amicu,ci si tu

Amicu, ci si tu chi ci apri le porte
Quandi l'idea move nant'a le strade torte
Quand'ellu sbuccia un fiore cum'e sognu di morte
Amicu,ci si tu

Amicu, ci si tu chi ci dai sperenza
Quandi a vita cagna ci tomba fratellenza
Quandi a terra cara si sfuma in la partenza
Amicu,ci si tu

Amicu, ci si tu chi ghjetti lu mandile
Quandi u tempu vene d'un esse piu ghjentile
Quand'elle vene l'ora d'un esse piu civile
Amicu, ci si tu
Amicu, ci si tu

Submitted by Guest

What do you think is the meaning of Amicu Ci Si Tu by Canta U Populu Corsu?