Cecceccu e A Pulenda lyrics

'Ssa chjuccaccia di Cecceccu un vole micca manghja a pulenda.
-Manghja a to pulenda, dice a mamma ;
-Au ! Mancu pe more !

Allora a mamma si inzerga e mughja :
"O mazza, mena a Cecceccu ch'un vole micca manghja a pulenda !"

Ma a mazza un si move.
"O focu, brusgia a mazza ch'un vole micca mina a Cecceccu ch'un vole micca manghja a pulenda !"

Ma u focu un si move.
"O acqua, spenghji u focu ch'un vole micca brusgia a mazza ch'un vole micca mina a Cecceccu ch'un vole micca manghja a pulenda !"

Ma l'acqua un si move.
"O boie, bei l'acqua ch'un vole micca spenghje u focu ch'un vole micca brusgia a mazza ch'un vole micca mina a Cecceccu ch'un vole micca manghja a pulenda !"

Ma u boie un si move.
"O funa, leia u boie ch'un vole micca beie l'acqua ch'un vole spenghje u focu ch'un vole micca brusgia a mazza ch'un vole micca mina a Cecceccu ch'un vole micca manghja a pulenda !"

Ma a funa un si move.
"O topu, rodi a funa ch'un vole micca liga u boie ch'un vole micca beie l'acqua ch'un vole micca spenghje u focu ch'un vole micca brusgia a mazza ch'un vole micca mina a Cecceccu ch'un vole micca manghja a pulenda !"

Ma u topu un si move.
"O misgiu, manghja u topu ch'un vole micca rode a funa ch'un vole micca liga u boie ch'un vole micca beie l'acqua ch'un vole micca spenghje u focu ch'un vole micca brusgia a mazza ch'un vole micca mina a Cecceccu ch'un vole micca manghja a pulenda !"

E tandu...
U misgiu tira un saltu... e si manghja u topu chi si rode a funa chi lega u boie chi si beie tutta l'acqua chi spenghje u focu chi brusgia a mazza chi mena a Cecceccu...
E chi face Cecceccu ?
Si techja di pulenda

Submitted by Guest

What do you think is the meaning of Cecceccu e A Pulenda by Canta U Populu Corsu?