Sognu e Spiranza lyrics

Mi vanu quelli paesi
Duve in sognu mi ne vocu
Per i chjassi forse appesi
A u cele in qualchi locu
Nanzu chi i lumi accesi
Un tradiscanu l'imbrocu.

Mi porta quellu viaghju
Quassu in cima di a cullata
Ne ritrovu u pagliaghju
Cu a paghjola azzingata
E rivecu u tilaghju
Da a porta spalancata.

Mi garba quellu vichjettu
Cu a so baretta misgia
Chi calfa un visu parfettu
Urnatu da barba grisgia
Mentre ch'in tornu, un caprettu
Saltillendu bela e intisgia.

M'attira quellu bucchinu
Duve una scultura affacca
Poi a pippa e l'acciarinu
Ch'ellu caccia da a stacca
E u so ditu a ancinu
Chi strigne l'arba tabacca.

M'attira quellu fucone,
A fumicosa muraglia,
A catena e u pilone,
E narpie natu a madia
E arrittu indu l'agnone
L'anticu fucile a scaglia

M'incanta a so mimoria
E a so voce sincera
E u Moru di a Vittoria
Postu a mezu a a bandera
Cu tutta l'eterna gloria
D'una razza cusi fiera.

Quandu lu sognu he finitu
Vecu cio chi simu ava :
Un populu mezu sparitu
Spapersu da mare in la
Ma i Corsi anu capitu
Ch'in casa ci vole a vulta

Si la vita d'arimane
Un turnara mai piu
Oghje tante cose vane
So tinute da virtu :
E di qualita anziane
Bisognu ci n'he, dinu

Submitted by Guest

What do you think is the meaning of Sognu e Spiranza by Canta U Populu Corsu?